देशका विभिन्न स्थानबाट मृत अवस्थामा ६ जना फेला परेका छन् । पाँचथर, फाल्गुनन्द गाउँपालिका-५ निगुरे बस्ने ४९ वर्षीय आइत बहादुर सावा सोही ठाउँस्थित निगुरे खोल्सीमा शुक्रबार मृत अवस्थामा फेला परेका छन् ।

त्यस्तै रूपन्देही, सिद्धार्थ नगरपालिका-३ खजनास्थित गेष्ट हाउसमा दाङ घोराही उपमहानगरपालिका-१५ बस्ने ५२ वर्षीय रुद्धबहादुर डागी शुक्रबार मृत अवस्थामा फेला परेका छन् । यता सर्लाही, हरिवन नगरपालिका-१० नयाँ रोड चौकस्थित सडक छेउमा हाल नाम, थर, वतन, नखुलेका करिब ७० वर्षीय पुरुष शुक्रबार मृत अवस्थामा फेला परेका छन् ।

यस्तै म्याग्दी, बेनी नगरपालिका-१ थाङनेबगरस्थित कालिगण्डकी नदीको छेउमा हाल नाम, थर, वतन, नखुलेकी ३५ वर्षीया महिला शुक्रबार मृत अवस्थामा फेला परेकी छिन् । त्यसैगरी बारा, बारागढी गाउँपालिका-५ सिंहासनीस्थित छठी घाट नजिक रौतहट फतुवा बिजयपुर नगरपालिका-६ वस्ने ७० वर्षीया चरनी देवी महतो बिहीबार मृत अवस्थामा फेला परेकी छन् ।

यता सप्तरी, हनुमाननगर कंकालिनी नगरपालिका-४ गंगापुर टोलस्थित खाली खेतमा हाल नाम, थर, वतन नखुलेका अन्दाजी ४५ वर्षीय पुरुष बिहीबार मृत अवस्थामा फेला परेका छन् । यस सम्बन्धमा प्रहरीले थप अनुसन्धान गरिरहेको छ ।