देशका विभिन्न स्थानबाट मृत अवस्थामा ४ जना फेला परेका छन् । कालिकोट, खाडाचक्र नगरपालिका-८ सेराबाडा बस्ने ५७ वर्षीय निल बहादुर मल्ल महाबै गाउँपालिका-६ रानीपाटास्थित तिला कर्णाली नदीको किनारमा शुक्रबार मृत अवस्थमा फेला परेका छन् ।

त्यस्तै सुनसरी, धरान उपमहानगरपालिका-१९ जिमी चोकमा हाल नाम, थर, वतन, उमेर नखुलेका पुरूष शुक्रबार मृत अवस्थामा फेला परेका छन् । यता मकवानपुर, बागमती गाउँपालिका-४ झुरझुरेमा हाल नाम, थर, वतन नखुलेका करिब ५६ वर्षीय पुरुष शुक्रबार मृत अवस्थामा फेला परेका छन् ।

यस्तै धादिङ, गजुरी गाउँपालिका-८ सल्लेघट्टे खोलाको खोंचमा सोही ठाउँ बस्ने नवराज तामाङको छोरा ११ वर्षीय संदिप तामाङ शनिबार मृत अवस्थामा फेला परेका छन् । यस सम्बन्धमा प्रहरीले आवश्यक अनुसन्धान गरिरहेको छ ।