नवकान्तिपुर संवाददाता
काठमाडौं, १४ जेठ ।
नेपालमा आज (आइतबार) सुनको मूल्य २०० रुपैयाँले घटेको छ । स्थानीय बजारमा आज छापावाल सुनको मूल्य प्रतितोला रु १ लाख ८ हजार १०० रहेकोमा शुक्रबार रु १ लाख ८ हजार ३०० मा कारोबार भएको थियो ।
नेपाल सुनचाँदी व्यवसायी महासङ्घले सार्वजनिक गरेको तथ्याङ्कअनुसार आज तेजाबी सुनको मूल्य प्रतितोला रु १ लाख ७ हजार ६ सय रहेकामा बिहीबार प्रतितोला रु १ लाख ७ हजार ८०० मा कारोबार भएकोे थियो । यसैगरी आज चाँदीको मूल्य भने शुक्रबारबारको मूल्य भन्दा १५ रुपैयाँ घट्दै एक हजर ३६० मा कारोबार भएको छ । शुक्रबार चाँदी प्रतितोला एक हजार ३६० मा कारोबार भएको थियो ।
महासङ्घले अन्तर्राष्ट्रिय बजारमा सुन तथा चाँदीका मूल्यमा हुने घटबढका आधारमा यहाँ दैनिक कारोबार मूल्य तोक्दै आएको छ । सुनको मूल्यले बैशाख २१ गते रेकर्ड कायम गरेको थियो । उक्त दिन स्थानीय बजारमा बुधबार छापावाल सुनको मूल्य प्रतितोला रु १ लाख ११ हजार ८०० र तेजाबी सुनको मूल्य प्रतितोला रु १ लाख ११ हजार २५० मा कारोबार भएको थियो ।
