देशका विभिन्न स्थानबाट मृत अवस्थामा ५ जना फेला परेका छन् । चितवन, रत्ननगर नगरपालिका-४ भोकाहा बस्ने ४५ वर्षीय राजु चौधरी सोही ठाउँस्थित कयर खोलामा मंगलबार मृत अवस्थामा फेला परेका छन् ।

त्यस्तै खोटाङ, जन्तेढुङगा गाउँपालिका-५ बस्ने ४८ वर्षीया मनमाया राई सोही ठाउँस्थित घोर्ले भिरको झाडीमा मगंलबार बिहान मृत अवस्थामा फेला परेकी छिन् । यता काठमाडौं, गोकर्णेश्वर नगरपालिका-६ जोरपाटी सानो बजार डेरा गरी बस्ने काभ्रेपलान्चोक रोसी गाउँपालिका-४ घर भएका ७६ वर्षीय कृष्ण बहादुर तामाङ आफ्नै कोठामा सोमबार मृत अवस्थामा फेला परेका छन ।

यस्तै रुकुम (पश्चिम), त्रिबेणी गाउँपालिका-१० भानिपोले भन्ने जंगलमा सोही गाउँपालिका-९ बस्ने २८ वर्षीय जिवन परियार सोमबार मृत अवस्थामा फेला परेका छन् । उता पर्सा, ठोरी गाउँपालिका-२ फारलाईन गैरीटोलमा हाल नाम, थर, वतन नखुलेका अन्दाजी ४० वर्षीय पुरुष सोमबार मृत अवस्थामा फेला परेका छन् । यस सम्बन्धमा प्रहरीले थप अनुसन्धान गरिरहेको छ ।