देशका विभिन्न स्थानबाट मृत अवस्थामा ७ जना फेला परेका छन् । दाङ, शान्तिनगर गाउँपालिका-५ काशीपुर बस्ने ६८ वर्षीय दिलाराम खत्री आफ्नै घरमा शुक्रबार मृत अवस्थामा फेला परेका छन् ।

त्यस्तै सुनसरी, कोशी गाउँपालिका-८ कोशी ब्यारेज बस्ने ८५ वर्षीय दिनेश प्रसाद श्रीवास्तव सोही ठाउँस्थित सप्तकोशीमा शुक्रबार मृत अवस्थामा फेला परेका छन् । यता नवलपरासी (पश्चिम), रामग्राम नगरपालिका-१४ प्रतिनगर बस्ने ३० वर्षीय अब्दुल नशिम खान आफ्नै घर नजिकै खेतमा शुक्रबार मृत अवस्थामा फेला परेका छन् ।

यस्तै नवलपरासी (पूर्व), गैंडाकोट नगरपालिका-१३ सिख्रौलीस्थित नारायणी नदीको बीच भंगालोमा हाल नाम, थर, वतन नखुलेका अन्दाजी ३० वर्षीय पुरुष शुक्रबार मृत अवस्थामा फेला परेका छन् । यसैगरी काठमाडौं, चन्द्रागिरी नगरपालिका-१४ नैकाप बस्ने ३९ वर्षीया प्रफुल्ला मानन्धर श्रेष्ठ आफ्नै घरमा शुक्रबार मृत अवस्थामा फेला परेकी छन् ।

यता धादिङ, बेनिघाटरोराङ गाउँपालिका-९ माझिमटारस्थित प्रतिक्षालयमा हाल नाम, थर, वतन नखुलेका करिब ४५ वर्षीय पुरूष शुक्रबार मृत अवस्थामा फेला परेका छन् । त्यसैगरी चितवन, इच्छाकामना गाउँपालिका-४ कुरिन्टारस्थित त्रिशुली नदीको किनारमा धादिङ शिदलेक गाउँपालिका-२ बस्ने ४७ वर्षीय मेघ बहादुर न्यौपाने शुक्रबार मृत अवस्थामा फेला परेका छन् । यस सम्बन्धमा प्रहरीले थप अनुसन्धान गरिरहेको छ ।