देशका विभिन्न स्थानबाट मृत अवस्थामा ५ जना फेला परेका छन् । काठमाडौं महानगरपालिका-२२ सुन्धारास्थित होटल रोयल थकालीमा जेठ १९ गतेदेखि बस्दै आएका भारत घर भएका ५२ वर्षीय अविन नन्दा बिहीबार मृत अवस्थामा फेला परेका छन् ।

त्यस्तै कैलाली, धनगढी उपमहानगरपालिका-१९ दक्षिण लल्लीपुरस्थित खेतमा हाल नाम, थर, वतन नखुलेका अन्दाजी ३५ वर्षीय पुरुष बिहीबार मृत अवस्थामा फेला परेका छन् । यता झापा, बिर्तामोड नगरपालिका-२ हेमनपार्क नजिकै बस्ने ५० वर्षीय चुण्डो मल्लिक सतार सोही ठाउँस्थित लिचीको बगानमा बुधबार मृत अवस्थामा फेला परेका छन् ।

यस्तै रामेछाप, उमाकुण्ड गाउँपालिका-१ ताङदिङ बस्ने ३८ वर्षीय तेन्जीङ शेर्पा सोही ठाउँस्थित लिखुखोलाको किनारामा बुधबार मृत अवस्थामा फेला परेका छन् । उता पाँचथर, फालेलुङ गाउँपालिका-२ जोरपाटी बस्ने ५० वर्षीय रविलाल केरुङ सोही ठाउँस्थित छिमेकीको मकै बारीमा बुधबार मृत अवस्थामा फेला परेका छन् । यस सम्बन्धमा प्रहरीले थप अनुसन्धान गरिरहेको छ ।