सवारी दुर्घटनामा दुई जनाको मृत्यु भएको छ । स्याङजा, गल्याङ नगरपालिका-५ जोगिमारास्थित सडकमा ग.१ क ४८९३ नम्बरको जेसिबी र ग.१ त ५३४८ नम्बरको ट्याक्टरमा च्यापिएर ट्याक्टर साहु सोही ठाउँ बस्ने ५३ वर्षीय बिष्णु बस्याल क्षेत्रीको शुक्रबार बिहान मृत्यु भएको छ ।

गिट्टी लोड गर्ने क्रममा जेसिबी टेकाउने स्टेन चिप्लिन गई ट्याक्ट्ररको पछाडी बसिरहेकोमा अवस्थामा ज्यापिएर गम्भीर घाइते भएका उनको मिर्मी अस्पताल स्याङ्जामा उपचारको क्रममा मृत्यु भएको हो । दुबै सवारी साधनका चालकलाई प्रहरीले नियन्त्रणमा लिएको छ ।

त्यस्तैधनुषा, मिथिला नगरपालिका-१० धारापानी चौरीस्थित सडकमा शुक्रबार बिहान प्र.१-०२-००४६ प ८३३९ नम्बरको मोटरसाइकल दुर्घटना हुँदा चालक गणेशमान चारनाथ नगरपालिका-४ वीरेन्द्रबजार बस्ने २४ वर्षीय रोनक साहको मृत्यु भएको छ । साइकललाई ठक्कर दिई भएको दुर्घटनामा गम्भीर घाइते भएका उनको कुस्ठरोग अस्पताल
लालगढमा उपचारको क्रममा मृत्यु भएको हो । घाइते भएका साइकलयात्रीको सोही अस्पतालमा उपचार भइरहेको छ । दुर्घटनाका सम्बन्धमा प्रहरीले आवश्यक अनुसन्धान गरिरहेको छ ।