देशका विभिन्न स्थानबाट मृत अवस्थामा ७ जना फेला परेका छन् । उदयपुर, ताप्ली गाउँपालिका-५ कुमलटारस्थित सुनकोशी नदीको किनारामा हाल नाम, थर, वतन नखुलेका करिब ५० वर्षीय पुरुष शुक्रबार मृत अवस्थामा फेला परेका छन् ।

त्यस्तै दाङ, घोराही उपमहानगरपालिका-१५ डेरा गरी टेन्ट हाउसमा काम गर्दै बस्ने भारत घर भएका ६२ वर्षीय रमेश सिंह चौहान आफ्नै कोठामा शुक्रबार मृत अवस्थामा फला परेका छन् । यसैगरी दाङ, तुलसीपुर उपमहानगरपालिका-९ बेलुवामा डेरा गरी बस्ने सल्यान शिद्धकुमाख गाउँपालिका-३ घर भएका ५० वर्षीया हरि बोहरा आफ्नै कोठामा शुक्रबार मृत अवस्थामा फेला परेका छन् ।

यस्तै सिन्धुली, कमलामाई नगरपालिका-८ हर्दिया बस्ने ३२ वर्षीय उज्वल बराल फिक्कल गाउँपालिका-४ पोखरीडाँडास्थित पाखो बारीमा शुक्रबार मृत अवस्थामा फेला परेका छन् । काठमाडौं जान्छु भनी हिँडेकोमा घरको सम्पर्कमा नआएपछि इलाका प्रहरी कार्यालय भिमानबाट खटिएको प्रहरीले आफन्तको सहयोगमा खोजी गर्ने क्रममा उक्त बारीमा उनको शव फेला परेको हो ।

यता रूकुम(पूर्व), भुमे गाउँपालिका-३ सिमा रुक्चाडाँडा बस्ने ७५ वर्षीय भानबिर बिक सोही ठाउँस्थित लुकुम गार्ड खोलाको किनारमा शुक्रबार मृत अवस्थामा फेला परेका छन् । उता सिन्धापाल्चोक, मेलम्ची नगरपालिका-९ ज्यामिरे बस्ने ७२ वर्षीय काले कामी सोही ठाउँस्थित भिरमा शुक्रबार मृत अवस्थामा फेला परेका छन् ।

यसैगरी रोल्पा, सुनिलस्मृती गाउँपालिका-३ मिझिङ बस्ने ६२ वर्षीय उदिन घर्ती मगर सोही ठाउँ पेल्टुङस्थित सामुदायिक जंगलमा शुक्रबार मृत अवस्थामा फेला परेका छन् । यस सम्बन्धमा प्रहरीले आवश्यक अनुसन्धान गरिरहेको छ ।