देशका विभिन्न स्थानबाट मृत अवस्थामा ५ जना फेला परेका छन् । झापा, भद्रपुर नगरपालिका-९ शान्ती चोक बस्ने ७५ वर्षीय जीवन थापा मगर सोही नगरपालिका-८ स्थित नालीमा मंगलबार मृत अवस्थामा फेला परेका छन् । सोमबार साँझ घरबाट हराएका उनको खोजी गर्ने क्रममा शव फेला परेको हो ।

त्यस्तै बारा, करैयामाई गाउँपालिका-७ उम्जनस्थित टियर खोलाको छेउमा सोही ठाउँ बस्ने श्याम चौधरीको छोरा १६ वर्षीय रोहिन भन्ने जसवन चौधरी मंगलबार मृत अवस्थामा फेला परेका छन् । यता चितवन, रत्ननगर नगरपालिका-३ शान्तिटोलमा हाल नाम, थर, वतन, नखुलेका अन्दाजी ६६ वर्षीय पुरुष मंगलबार मृत अवस्थामा फेला परेका छन् ।

यस्तै रूपन्देही, बुटवल उपमहानगरपालिका-११ नहरपुरस्थित कवाडी पसल अगाडि हाल नाम, थर, वतन, नखुलेका अन्दाजी ४५ वर्षीय पुरुष मंगलबार मृत अवस्थामा फेला परेका छन् । यसैगरी तनहुँ, ब्यास नगरपालिका-४ गुरुङ च्यानडाँडास्थित कच्ची सडक मुनि बिछ्याईएको हेण्ड पाइपभित्र प्लास्टिकले बेरेको जुटको बोरामा हाल नाम, थर, वतन, नखुलेकी अन्दाजी ३० वर्षीया महिलाको शव मंगलबार फेला परेको छ । यस सम्बन्धमा प्रहरीले थप अनुसन्धान गरिरहेको छ ।