देशका विभिन्न स्थानबाट मृत अवस्थामा ५ जना फेला परेका छन् । सुनसरी, इटहरी उपमहानगरपालिका-२ स्थित मायाघरमा २०७९ साउन २३ गतेदेखि बस्दै आएकी करिब ६० वर्षीया लालमोती राय राजपुत बिहीबार मृत अवस्थामा फेला परेकी छन् ।

त्यस्तै भोजपुर, टेम्केमैयुङ गाउँपालिका-२ छिनामखु बस्ने ७७ वर्षीय जापान राई आफ्नै घरमा बिहीबार मृत अवस्थामा फेला परेका छन् । यता रूपन्देही, बुटवल उपमहानगरपालिका-९ नयाँ बसपार्कस्थित बुटवल उपमहानगरपालिकाले बनाएको ब्यापारिक भवनको सिडिमा गुल्मी मदाने गाउँपालिका-३ बस्ने ३८ वर्षीय तेज बहादुर नेपाली बिहीबार मृत अवस्थामा फेला परेका छन् ।

यस्तै डडेलधुरा, गन्यापधुरा गाउँपालिका-१ भत्काँडा बजारदेखि करिब १ सय मिटर टाढा सोही ठाउँ बस्ने ७२ वर्षीय गम्भिर लुहार बुधबार मृत अवस्थामा फेला परेका छन् । उता सिन्धुली, दुधौली नगरपालिका-१ डाँडाटोलस्थित मामा घरमा विगत १ महिनादेखि बस्दै आएका काभ्रे घर भएका अनिश भुजेलको छोरा ५ वर्षीय मनिस भुजेल सोही ठाउँस्थित बिचित्रखोलाको ढुग्रेदहमा बुधबार मृत अवस्थामा फेला परेका छन् ।

बुधबार दिउँसो घरबाट हिँडेका उनी घर नफर्किएपछि खोजी गर्ने क्रममा शव फेला पारेको हो । यस सम्बन्धमा प्रहरीले थप अनुसन्धान गरिरहेको छ ।