देशका विभिन्न स्थानबाट मृत अवस्थामा ९ जना फेला परेका छन् ।पर्सा, वीरगंज महानगरपालिका-८ बाईपास रोडस्थित सडकमा हाल नाम, थर, वतन नखुलेका अन्दाजी ३५ वर्षीय पुरुष आइतबार मृत अवस्थामा फेला परेका छन् ।

त्यस्तै रुकुम (पूर्व), पुथाउत्तरगंगा गाउँपालिका-११ उत्तरगंगा नदीमा सोही गाउँपालिका-१० घुम्लिवाङ बस्ने ७३ वर्षीय सूर्य बुढा आइतबार मृत अवस्थामा फेला परेका छन् । यता सिन्धुली, तिनपाटन गाउँपालिका-२ डडुवा बस्ने ५८ वर्षीय साने भन्ने सोम बहादुर दमाई सोही ठाउँस्थित बारीमा आइतबार मृत अवस्थामा फेला परेका छन् ।

यस्तै रुपन्देही, बुटवल उपमहानगरपालिका-७ शिवनगरस्थित सडकको छेउमा हाल नाम, थर, वतन नखुलेका अन्दाजी ५५ वर्षीय पुरुष आइतबार मृत अवस्थामा फेला परेका छन् । त्यसैगरी चितवन, भरतपुर महानगरपालिका-३ पशुपति मार्गमा हाल नाम, थर, वतन नखुलेका अन्दाजी ४० वर्षीया महिला आइतबार मृत अवस्थामा फेला परेजकी छिन् ।

यसैगरी चितवन, भरतपुर महानगरपालिका-१ नारायणी नदीस्थित सार्वजनिक शौचालय अगाडी हाल नाम, थर, वतन नखुलेका अन्दाजी ६० वर्षीय पुरुष सोमबार मृतअवस्थामा फेला परेका छन् । उता पाँचथर, कुम्मायक गाउँपालिका-५ लुरिपा दोभानस्थित तमोर नदिको किनारामा हाल नाम, थर, वतन नखुलेका अन्दाजी ३० वर्षीय पुरूष आइतबार मृत अवस्थामा फेला परेका छन् ।

यता धनकुटा, छथरजोरपाटी गाउँपालिका-४ तेलियास्थित तमोर नदिको किनारमा हाल नाम, थर, वतन नखुलेकी अन्दाजी २५ वर्षीया महिला आइतबार मृत अवस्था फेला परेकी छिन् । यस्तै कैलाली, गोदावरी नगरपालिका-२ आदर्श गल्लीमा हाल नाम, थर, वतन नखुलेकी अन्दाजी ३० वर्षीया महिला आइतबार मृत अवस्थामा फेला परेकी छिन् । यस सम्बन्धमा प्रहरीले थप अनुसन्धान गरिरहेको छ ।