देशका विभिन्न स्थानबाट मृत अवस्थामा ४ जना फेला परेका छन् । काठमाडौं महानगरपालिका-३ खाडिपाखास्थित सुकुम्बासी बस्ती बस्ने ३५ वर्षीय दिपेश श्रेष्ठ आफ्नै घरमा मंगलबार मृत अवस्थामा फेला परेका छन् ।

त्यस्तै चितवन, इच्छाकामना गाउँपालिका-४ कुरिन्टारस्थित त्रिशुली नदीमा हाल नाम, थर, वतन नखुलेका अन्दाजी ४० वर्षीय पुरुष मंगलबार मृत अवस्थामा फेला परेका छन् । यता बाँके, नेपालगंज उपमहानगरपालिका-१४ भवानियापुर बस्ने ५० वर्षीय गोपाल बाल्मिकी आफ्नै घरमा सोमबार मृत अवस्था फेला परेका छन् ।

यस्तै भक्तपुर, मध्यपुर ठिमी नगरपालिका-४ हनुमन्ते पुल नजिक टहरोमा बस्ने रामेछाप मन्थली नगरपालिका-१४ फुलासी पोखरी घर भएका ६० वर्षीय मान बहादुर तामाङ सोमबार मृत अवस्थामा फेला परेका छन् । यस सम्बन्धमा प्रहरीले थप अनुसन्धान गरिरहेको छ ।