देशका विभिन्न स्थानबाट मृत अवस्थामा ९ जना फेला परेका छन् । कैलाली, धनगढी उपमहानगरपालिका-१४ एच गाउँघाटस्थित नालीमा सोही उपमहानगरपालिका शिवताल बस्ने ३९ वर्षीय मान बहादुर चौधरी बिहीबार मृतअवस्थामा फेला परेका छन् ।

त्यस्तै बाँके, जानकी गाउँपालिका-३ कर्मनास्थित खेत बारीमा हाल नाम, थर, वतन नखुलेका अन्दाजी ७६ बर्षीया महिला बिहीबार मृत अवस्थामा फेला परेकी छिन् । यता नवलपरासी (पश्चिम), रामग्राम नगरपालिका-१० लंकहवास्थित बाटो छेउमा पाल्हीनन्दन गाउँपालिका-२ पिपरहवा बस्ने अन्दाजी ३५ वर्षीय धुर्ब सहानी बिहीबार मृत अवस्थामा फेला परेका छन् ।

यस्तै अछाम, तुर्माखाद गाउँपालिका-३ लोडेस्थित कर्णाली नदीको किनारमा हाल नाम, थर, वतन नखुलेका अन्दाजी २६ वर्षीय पुरुष बिहीबार मृत अवस्थामा फेला परेका छन् । उता नवलपरासी (पूर्व), गैंडाकोट नगरपालिका-४ सहजमार्ग बस्ने ३८ वर्षीया तारादेबी पौडेल पराजुली सोही नगरपालिका-५ स्थित नारायणी नदीमा बिहीबार मृत अवस्थामा फेला परेकी छिन् ।

यसैगरी नवलपरासी(पूर्व), विनयी त्रिवेणी गागउँपालिका-२ हर्कटाँडी बस्ने ३५ वर्षीय राजेन्द्र कुमाल सोही ठाउँस्थित जङगलमा बिहीबार मृत अवस्थामा फेला परेका छन् । यस्तै ताप्लेजुङ, फक्ताङलुङ गाउँपालिका-५ सिसवा राई गाउँस्थित भीरमा सोही ठाउँ बस्ने ४० वर्षीय जीवन राई बिहीबार मृत अवस्थामा फेला परेका छन् ।

यता धनकुटा, धनकुटा नगरपालिका-३ स्कुलडाडास्थित बाटो साईडको ढलमा सोही नगरपालिका-६ सरस्वती चोक बस्ने ४८ वर्षीय धन बहादुर तामाङ बिहीबार मृत अवस्थमा फेला परेका छन् । यस सम्बन्धमा प्रहरीले आवश्यक अनुसन्धान गरिरहेको छ ।