देशका विभिन्न स्थानबाट मृत अवस्थामा ४ जना फेला परेका छन् । मोरङ, सुनदरहरैचा नगरपालिका-८ गरुड चोक बस्ने ७६ वर्षीय जित बहादुर थापा सोही ठाउँ भृकुटी चोकस्थित खाली घरमा आइतबार मृत अवस्थामा फेला परेका छन् ।

त्यस्तै प्यूठान, गौमुखी गाउँपालिका-७ माथिपानी बस्ने २४ वर्षीय बेगम बहादुर दर्जी झिमरुक गाउँपालिका-२ खोप्चा पातल कटेरी सामुदायिक वनको खोल्सामा आइतबार मृत अवस्थामा फेला परेका छन् । यता सुनसरी, धरान उपमहानगरपालिका-१६ बस्ने ६५ वर्षीय बुद्ध बहादुर लिम्बु आफू सुत्ने कोठामा आइतबार मृत अवस्थामा फेला परेका छन् ।

यस्तै सप्तरी, सुरूङगा नगरपालिका-६ श्रीपुरस्थित पानी जमेको खाल्डोमा हाल नाम, थर, वतन नखुलेका अन्दाजी ४५ वर्षीय पुरूष आइतबार मृत अवस्थामा फेला परेका छन् । यस सम्बन्धमा प्रहरीले थप अनुसन्धान गरिरहेको छ ।