देशका विभिन्न स्थानबाट मृत अवस्थामा ५ जना फेला परेका छन् । मकवानपुर, मनहरी गाउँपालिका-६ लच्का कत्ले खोला डेरा गरी बस्ने भारत मोतिहारी ठाना थम्पापुर घर भएका ७० वर्षीया किस कुमारी आफ्नै कोठामा बुधबार मृत अवस्थामा फेला परेकी छन् ।

त्यस्तै जुम्ला, तिला गाउँपालिका-१ गाडगोडेनीस्थित तिला नदीको किनारमा सोही गाउँपालिका-६ घोडे बस्ने १८ वर्षीय मोहन रोकाय बुधबार मृत अवस्थामा फेला परेका छन् । यता दाङ, तुलसीपुर उपमहागनरपालिका-३ एकता टोलस्थित पातुखोला नजिक सल्यान कालीमाटी गाउँपालिका-४ बस्ने ४४ वर्षीय भोला कडेल मंगलबार मृत अवस्थामा फेला परेका छन् ।

यस्तै धनकुटा, छथरजोरपाटी गाउँपालिका-२ हात्तिखर्क सल्ले बस्ने १९ वर्षीय पुर्ण राना मगर सोही ठाउँस्थित बाटोमा मंगलबार मृत अवस्थामा फेला परेका छन् । उता चितवन, भरतपुर महानगरपालिका-२ नारायणी नदी किनारमा हाल नाम, थर, वतन नखुलेका अन्दाजी १६ वर्षीय पुरुष मंगलबार मृत अवस्थामा फेला परेका छन् । यस सम्बन्धमा प्रहरीले आवश्यक अनुसन्धान गरिरहेको छ ।