देशका विभिन्न स्थानबाट मृत अवस्थामा ६ जना फेला परेका छन् । स्याङजा, आधिखोला गाउँपालिका-४ नारीकोट बस्ने ५६ वर्षीय देविलाल दर्जी सोही गाउँपालिका-३ साउने खोल्सामा सोमबार मृत अवस्थामा फेला परेका छन् ।

त्यस्तै कास्की, पोखरा महानगरपालिका-१ शंकर टोल बस्ने लमजुङ बेशिसहर नगरपालिका- १ उदीपुर घर भएका ५१ वर्षीय भक्त बहादुर तामाङ सोही ठाउँस्थित बगैँचाको खोल्सामा सोमबार मृत अवस्थामा फेला परेका छन् ।  यता धनुषा, जनकपुर उपमहानगरपालिका-४ मुर्ली चोकस्थित जटही बसपार्कमा सोही उपमहानगरपालिका-२४ बसैया बस्ने ५० वर्षीय पशुपती झा आइतबार मृत अवस्थामा फेला परेका छन् ।

यस्तै नवलपरासी (पूर्व), वुलिङटार गाउँपालिका-६ भुमरीघाटस्थित कालिगण्डकी नदीको किनारमा पाल्पा रामपुर नगरपालिका-३ ओईरिघाट बस्ने ६६ वर्षीय जित बहादुर खत्री आइतबार मृत अवस्थामा फेला परेका छन् ।यसैगरी काठमाडौं महानगरपालिका-१६ म्हैपी खोलाको बाटोमा हाल नाम, थर, वतन नखुलेका अन्दाजी ५१ वर्षीय पुरुष आइतबार मृत अवस्थामा फेला परेका छन् ।

उता सुनसरी, इटहरी उपमहानगरपालिका-५ रिलाईन्स गेट अगाडि खाली जग्गामा त्रिपालको बेरा लगाई बस्ने हाल नाम, थर वतन नखुलेका २८ वर्षीय पुरुष आइतबार मृत अवस्थामा फेला परेका छन् । सबै घटनाका सम्बन्धमा प्रहरीले आवश्यक अनुसन्धान गरिरहेको छ ।