देशका विभिन्न स्थानबाट मृत अवस्थामा ८ जना फेला परेका छन् । कास्की, पोखरा महानगरपालिका-६ स्थित फिर्के खोलाको फेवाताल ड्याममा सोही महानगरपालिका-६ सुकुम्वासी टोल बस्ने ४१ वर्षीय केशव रसमगर बुधबार मृत अवस्थामा फेला परेका छन् ।

त्यस्तै सोलुखुम्बु, सोलु दुधकुण्ड नगरपालिका-८ लाप्चा बस्ने ३३ वर्षीया शोभा तामाङ सोही नगरपालिका-९ स्थित सिसाखोलाको भडखलोमा बुधबार मृत अवस्थामा फेला परेकी छिन् । यता बारा, प्रसौनी गाउँपालिका-७ बन्जरीयास्थित क्रिक्रिचाह खोलामा हाल नाम, थर, वतन नखुलेका अन्दाजी ५० वर्षीय पुरुष बुधबार मृत अवस्थामा फेला परेका छन् ।

यस्तै भक्तपुर, भक्तपुर नगरपालिका-२ ब्यासी खस्राङखुसरुङ खोलाको टुमोचा पुल नजिक करिडोर सडकमा हाल नाम, थर, वतन नखुलेका अन्दाजी ४० वर्षीय पुरुष बुधबार मृत अवस्थामा फेला परेका छन् । त्यसैगरी काठमाडौं, बुढानिलकण्ठ नगरपालिका-५ बिष्णुमती तल्लो चिसेनीमा सोही ठाउँ बस्ने ६० वर्षीय रबिन्द्र भन्ने रबिन तामाङ मंगलबार मृत अवस्थामा फेला परेका छन् ।

यसैगरी काठमाडौं महानगरपालिका-७ गौरीघाट कुमारीगालस्थित सडक पेटिमा हाल नाम, थर, वतन नखुलेका अन्दाजी ४० वर्षीय पुरुष मंगलबार मृत अवस्थामा फेला परेका छन् । उता उदयपुर, कटारी नगरपालिका-७ रतनपुरस्थित सामुदायिक जंगलमा सोही नगरपालिका-७ माझि टोल बस्ने ४८ वर्षीय लिल बहादुर बिश्वकर्मा मंगलबार मृत अवस्थामा फेला परेका छन् ।

उता दाङ, राप्ती गाउँपालिका-४ सिमल खुट्टी बस्ने ६५ वर्षीय प्रेम सागर गिरी सोही ठाउँस्थित पोखरीमा मंगलबार मृत अवस्थामा फेला परेका छन् । यस घटनाका सम्बन्धमा प्रहरीले आवश्यक अनुसन्धान गरिरहेको छ ।