देशका विभिन्न स्थानबाट मृत अवस्थामा ८ जना फेला परेका छन् । कास्की, पोखरा महानगरपालिका-१ नयाँ गल्ली बुद्ध टोल बस्ने ६० वर्षीय केश बहादुर गुरुङ आफ्नै घरमा शुक्रबार मृत अवस्थामा फेला परेका छन् ।

त्यस्तै मोरङ, सुन्दरहरैचा नगरपालिका-२ एलानपुरस्थित खेतको पैनीमा सोही ठाउँ बस्ने ६० वर्षीय पचना चौधरी शुक्रबार मृत अवस्थामा फेला परेका छन् । यता सिन्धुपाल्चोक, मेलम्ची नगरपालिका-६ र ७ को सिमाना न्यौपानेस्थित मेलम्ची खोलामा हाल नाम, थर, वतन नखुलेका करिब ५५ वर्षीय पुरुष शुक्रबार मृत अवस्थामाफेला परेका छन् ।

यस्तै चितवन, भरतपुर महानगरपालिका-२ इन्द्रदेव मार्गमा हाल नाम, थर, वतन नखुलेका करिब ३६ वर्षीय पुरुष शुक्रबार मृत अवस्थामा फेला परेका छन् । त्यसैगरी रुपन्देही, बुटवल उपमहानगरपालिका-११ रंगशालास्थित शुभलाभपथमा तिलोत्तमा नगरपालिका-३ जानकीनगर बस्ने ६५ वर्षीय युवराज शर्मा रिजाल बिहीबार मृत अवस्थामा फेला परेका छन् ।

यसैगरी रुपन्देही, लुम्बिनी सांस्कृतिक नगरपालिका-१३ ओडवलियास्थित खाली चौरमा कोटहिमाई-२ बस्ने ४२ वर्षीया शिला लोनिया बिहीबार मृत अवस्थामा फेला परेकी छिन् । उता सप्तरी, सप्तरी रुपनी गागउँपालिका-३ किटैया बस्ने रुपेश कुमार माझीको छोरा ७ वर्षीय अर्जुन कुमार माझी सोही ठाउँस्थित पोखरीमा बिहीबार मृत अवस्थामा फेला परेका छन् ।

यता गोरखा, बारपाक सुलिकोट गाउँपालिका-६ ठुला ढुङ्गास्थित खोल्सामा सोही गाउँपालिका-८ जराङ घर भई सोही गाउँपालिका-६ अर्चलेस्थित छोरीको घरमा बस्ने ८५ वर्षीया सुकमाया बराम बिहीबार मृत अवस्थामा फेला परेकी छिन् । गत मंगलबार घर जान्छु भनि हिँडेकी उनलाई परिवार तथा स्थानीयहरुले खोजतलास गर्ने क्रममा उनको शव फेला परेको हो । सबै घटनाका सम्बन्धमा प्रहरीले थप अनुसन्धान गरिरहेको छ ।