जलेश्वरबाट स्रोत नखुलेको नगदसहित एक जना पक्राउ परेका छन् । महोत्तरी, जलेश्वर नगरपालिका-३ स्थित जलेश्वर भिठ्ठामोड सडकबाट नगद १० लाख ३० हजार रूपैयाँसहित बिहीबार राति प्रहरीले एक जनालाई पक्राउ गरेको हो ।

पक्राउ पर्नेमा भारत बिहार प्रान्त सितामढी थाना सुरखण्ड ग्राम सिखण्डी-५ बस्ने २० वर्षीय चन्दन कुमार साफी रहेका छन् । प्रहरी चौकी भिट्टामोडबाट खटिएको प्रहरीले बिआर ३० डब्लु ५३१२ नम्बरको मोटरसाइकललाई जाँच गर्ने क्रममा चालक चन्दनको साथबाट उक्त नगद फेला पारी पक्राउ गरेको हो ।

यस सम्बन्धमा प्रहरीले थप अनुसन्धान गरिरहेको छ ।