देशका विभिन्न स्थानबाट मृत अवस्थामा ५ जना फेला परेका छन् । कास्की, रूपा गाउँपालिका-३ चिनढुङ्गामा सोही गाउँपालिका-७ बृदिखोला सिचाई आयोजनामा काम गर्ने दाङ दुबिचौर घर भएका ४५ वर्षीय दिपेश पुन आफै बस्दै गरेको टेन्टभित्र शुक्रबार मृत अवस्थामा फेला परेका छन् ।

त्यस्तै धनकुटा, महालक्ष्मी नगरपालिका-४ चानुवा बगर बस्ने ८८ वर्षीय जय बहादुर भण्डारी सोही नगरपालिका-४ स्थित खेतमा शुक्रबार मृत अवस्थामा फेला परेका छन् । यता मुस्ताङ, लोमान्थाङ गाउँपालिका-५ स्थित लोमान्थाङमा खोलाको काठेपुलमुनी चितवन माडी नगरपालिका-९ गणेशकुञ्ज बस्ने ४२ वर्षीय याम बहादुर गिरी शनिबार मृत अवस्थामा फेला परेका छन् ।

यस्तै हुम्ला, नाम्खा गाउँपालिका-५ नारालेकमा हाल नाम, थर, वतन नखुलेका अन्दाजी ६० वर्षीय पुरूष शुक्रबार मृत अवस्थामा फेला परेका छन् । उता लमजुङ, मध्यनेपाल नगरपालिका-७ रामबजारस्थित खहरे प्रतिक्षालयमा हाल नाम, थर, वतन नखुलेका अन्दाजी ६० वर्षीय पुरूष शुक्रबार मृत अवस्थामा फेला परेका छन् । यस सम्बन्धमा प्रहरीले थप अनुसन्धान गरिरहेको छ ।