देशका विभिन्न स्थानबाट मृत अवस्थामा ४ जना फेला परेका छन् । धनुषा, जनकपुर उपमहानगरपालिका-८ रानीसती पेट्रोल पम्प नजिक हाल नाम, थर, वतन नखुलेका अन्दाजी ४० वर्षीय पुरुष शनिबार मृत अवस्थामा फेला परेका छन् ।

त्यस्तै सर्लाही, बरहथवा नगरपालिका-११ बस्ने रामबाबु साहको छोरी १५ वर्षीया मिना कुमारी साह आफ्नै घरमा शनिबार मृत अवस्थामा फेला परेकी छिन् । यता रुपन्देही, बुटवल उपमहानगरपालिका-६ तिनाउ पुल नजिक तिनाउ नदीको किनारमा हाल नाम, थर, वतन नखुलेका अन्दाजी ३६ वर्षीय पुरुष आइतबार मृत अवस्थामा फेला परेका छन् ।

यस्तै काठमाडौं, काठमाडौं महानगरपालिक-११ रामघाटस्थित बिष्णुमती खोलामा हाल नाम, थर, वतन नखुलेका अन्दाजी ४५ वर्षीय पुरुष शनिबार मृत अवस्थामा फेला परेका छन् । यस सम्बन्धमा प्रहरीले थप अनुसन्धान गरिरहेको छ ।