देशका विभिन्न स्थानबाट मृत अवस्थामा ४ जना फेला परेका छन् । बझाङ,  थलारा गाउँपालिका-१ स्थित सेती नदीमा हाल नाम, थर, वतन नखुलेकी करिब ४० वर्षीया महिला सोमबार मृत अवस्थामा फेला परेकी छन् ।

त्यस्तै दाङ, राप्ती गाउँपालिका-३ मसुरीया सानो गल्ली बस्ने ५० वर्षीय आशाराम चौधरी सोही ठाउँस्थित दामोदर सडक खण्डमा आइतबार मृत अवस्थामा फेला परेका छन् । यता सुनसरी, इटहरी उपमहानगरपालिका-४ स्थित रहेको बोर्डिङ माध्यामिक विद्यालयको होस्टलमा मोरङ बेलबारी नगरपालिका-२ लालभित्ती बस्ने जिबन श्रेष्ठको छोरा १३ वर्षीय जेनिस श्रेष्ठ सोमबार मृत अवस्थामा फेला परेका छन् ।

यस्तै धनुषा, मिथिला नगरपालिका-३ हरिहरपुर टोलस्थित ससुरालीमा बस्ने रौतहट घर भएका ३७ वर्षीय राम दयाल मुखिया सोही ठाउँस्थित सडक छेउमा आइतबार मृत अवस्थामा फेला परेका छन् । यस सम्बन्धमा प्रहरीले थप अनुसन्धान गरिरहेको छ ।