देशका विभिन्न स्थानबाट मृत अवस्थामा ८ जना फेला परेका छन् । रूपन्देही, सैनामैना नगरपालिका-७ रामनगरस्थित इङगुरिया खोलामा सोही ठाउँ बस्ने ५८ वर्षीय दिलिप सुवेदी मंगलबार मृत अवस्थामा फेला परेका छन् ।

त्यस्तै कपिलवस्तु, कृष्णनगर नगरपालिका-१ बढईया बस्ने ५५ वर्षीय राम फेर कुरी सोही ठाउँस्थित पोखरीमा मंगलबार मृत अवस्थामा फेला परेका छन् । यता सुनसरी, धरान उपमहानगरपालिका-१५ दन्तकाली चोक बस्ने ३८ वर्षीय पुकार श्रेष्ठ आफ्नै घरमा सोमबार मृत अवस्थामा फेला परेका छन् ।

यस्तै रौतहट, दुर्गा भगवती गाउँपालिका-२ बस्ने ४० वर्षीय बिरेन्द्र बैठा सोही ठाउँस्थित डोटी खोलामा सोमबार मृत अवस्थामा फेला परेका छन् । उता कैलाली, घोडाघोडी नगरपालिका-६ काट्याखोलामा बर्दगोरीया गाउँपालिका-४ बस्ने ६६ वर्षीय फुलराम डगौरा सोमबार मृत अवस्थामा फेला परेका छन् ।

यता बाँके, कोहलपुर नगरपालिका-११ बसपार्क नजिकै बाटो छेउमा सोही नगरपालिका- ३ किरणनाला बस्ने ६५ वर्षीय बिर बहादुर बुढा सोमबार मृत अवस्थामा फेला परेका छन् । त्यसैगरी नवलपरासी (पूर्व), बुलिङटार गाउँपालिका-६ अत्रौलीस्थित कालीगण्डकी नदी किनारमा हाल नाम, थर, वतन नखुलेका अन्दाजी ४० वर्षीय पुरूष सोमबार मृत अवस्थामा फेला परेका छन् ।

यसैगरी रुपन्देही, बुटवल उपमहानगरपालिका-११ मझुवास्थित तिनाउ नदीमा हाल नाम, थर, वतन नखुलेका अन्दाजी ३५ वर्षीय पुरुष सोमबार मृत अवस्थामा फेला परेका छन् । यस सम्बन्धमा प्रहरीले थप अनुसन्धान गरिरहेको छ ।