देशका विभिन्न स्थानबाट मृत अवस्थामा ४ जना फेला परेका छन् । काठमाडौं, महानगरपालिका-३२ कोटेश्‍वरस्थित कान्तिपुर गेष्ट हाउसको कोठा नम्बर ३०३ मा काभ्रेपलाञ्चोक बनेपा नगरपालिका-५ घर भएका ४१ वर्षीय यादव प्रसाद सापकोटा शनिबार मृत अवस्थामा फेला परेका छन् ।

त्यस्तै  रौतहट, कटहरिया नगरपालिका-४ हर्षाहास्थित लालबकैया खोलामा गजुरा नगरपालिका-४ बस्ने ७० वर्षीया रतन माया मगर शनिबार मृत अवस्थामा फेला परेकी छन् । यता इलाम, इलाम नगरपालिका-६ घोष बस्ने ३८ वर्षीया सीता राई आफ्नै घरमा शनिबार मृत अवस्थामा फेला परेकी छन् ।

यस्तै कैलाली, जानकी गाउँपालिका-२ कालिकापुरस्थित वुडिकुलोको नहरमा हाल नाम, थर, वतन नखुलेकी करिब २४ वर्षीया महिला शुक्रबार मृत अवस्थामा फेला परेकी छन् । यस सम्बन्धमा प्रहरीले आवश्यक अनुसन्धान गरिरहेको छ ।