देशका विभिन्न स्थानबाट मृत अवस्थामा ७ जना फेला परेका छन् । चितवन, रत्ननगर नगरपालिका-७ बागमारा मध्यवर्ती सामुदायिक वनमा सोही नगरपालिका-६ बस्ने ७६ वर्षीय नवराज अधिकारी शुक्रबार मृत अवस्थामा फेला परेका छन् ।

त्यसैगरी झापा, बिर्तामोड नगरपालिका-६ सरस्वती टोल बस्ने भतिज नाता पर्ने तोसक पुरीको घरमा भारत सिक्किम घर भएका ८३ वर्षीय राम प्रसाद पुरी शुक्रबार मृत अवस्थामा फेला परेका छन् । यसैगरी झापा, कनकाई नगरपालिका-३ बिहिबारे हटियास्थित पिपलको रूख मुनि हाल नाम, थर, वतन नखुलेका अन्दाजी ६० वर्षीय पुरुष शुक्रबार मृत अवस्थामा फेला परेका छन् ।

यस्तै दैलेख, नारायण नगरपालिका-४ सोत बस्ने ६८ वर्षीय भक्त बहादुर कटुवाल आफ्नै किराना पसलको कोठामा शुक्रबार मृत अवस्थामा फेला परेका छन् । उता कपिलवस्तु, वाणगंगा नगरपालिका-२ बैजलपुर बस्ने ५९ वर्षीय मगल सिंह गाहा मगर सोही ठाउँस्थित बैजलपुर सामुदायिक वनमा शुक्रबार मृत अवस्थामा फेला परेका छन् ।

यता काभ्रे, पनौती नगरपालिका-३ मोठ बस्ने ४६ वर्षीय अकुर भुजेल सोही ठाउँस्थित लिलावती खोलाको किनारमा शुक्रबार मृत अवस्थामा फेला परेका छन् । यस्तै चितवन, भरतपुर महानगरपालिका-३ सँगमरोडस्थित टहरा मुनि हाल नाम, थर, वतन नखुलेका अन्दाजी ४० वर्षीय पुरुष बिहीबार मृत अवस्थामा फेला परेका छन् । यस सम्बन्धमा प्रहरीले थप अनुसन्धान गरिरहेको छ ।