देशका छुट्टाछुट्टै स्थानमा भएको सवारी दुर्घटनामा दुई जनाको मृत्यु भएको छ । काठमाडौं महानगरपालिका-१६ सोह्रखुट्टे उकालोमा बा.४ ख ७४११ नम्बरको गाडीमुनी बा.६४ प ४९३२ नम्बरको मोटरसाइकल पसेर आइतबार बिहान दुर्घटना हुँदा मोटरसाइकल चालक नुवाकोट वेलकोटगढी नगरपालिका-९ घर भई काठमाडौं बालुवाटार बस्ने २३ वर्षीय शिव सुन्दर गजुरेलको मृत्यु भएको छ ।

दुर्घटनामा गम्भीर घाइते भएका उनको काठमाडौं महानगरपालिका-१६ नयाँबजारस्थित पिपुल्स अस्पतालमा उपचारको क्रममा मृत्यु भएको हो । गाडी चालकलाई प्रहरीले नियन्त्रणमा लिएको छ । त्यस्तै अछाम, पंच्चदेवल बिनायक नगरपालिका-४ कुच्ची सल्लाघारीस्थित सडकमा भे.१ त ६७५६ नम्बरको ट्याक्टर पल्टिएर दुर्घटना हुँदा ट्याक्टरमा सवार सोही नगरपालिका-६ वर्षीय २४ वर्षीय दिर्घ बिकको घटनास्थलमै मृत्यु भएको छ ।

दुर्घटनामा घाइते भएक अन्य ८ जनालाई उपचारका लागि जिल्ला अस्पताल मंगलसेन पठाइएको छ । दुर्घटनाका सम्बन्धमा प्रहरीले आवश्यक अनुसन्धान गरिरहेको छ ।