देशका विभिन्न स्थानबाट मृत अवस्थामा ६ जना फेला परेका छन् ।  बारा, विश्रामपुर गाउँपालिका-४ बलिरामपुर बस्ने ४० वर्षीय पानालाल साह कलवार सोही ठाउँस्थित खेतमा बिहीबार मृत अवस्थामा फेला परेका छन् ।

त्यस्तै डडेल्धुरा, आलिताल गाउँपालिका-७ खिन्नेभाडी बस्ने २० वर्षीया नन्दा कुमारी साँउद सोही ठाउँस्थित कोईराले खोलाको किनारमा बिहीबार मृत अवस्थामा फेला परेकी छन् । बुधबारदेखि हराएकी उनको खोजी गर्ने क्रममा शव फेला परेको हो ।

यस्तै चितवन, भरतपुर महानगरपालिका-२५ अमृतचोक बस्ने ५० वर्षीय भुईलाल राई सोही ठाउँस्थित एक सहकारी संस्थाको भवन अगाडि बिहीबार मृत अवस्थामा फेला परेका छन् । त्यसैगरी बर्दिया, गुलरिया नगरपालिका-५ घरबारी टोल बस्ने ५२ वर्षीय दिपेन्द्र खनाल आफ्नै घरमा बुधबार मृत अवस्थामा फेला परेका छन् ।

यसैगरी बर्दिया, गुलरिया नगरपालिका-१ केराबारीस्थित बेनुहा नाला नजिक खेतमा भारत बहराईच ग्राम करीकोट घर भएका ४७ वर्षीय रमेस बन्जारा बुधबार मृत अवस्थामा फेला परेका छन् । यता मकवानपुर, मनहरी गाउँपालिका-७ मानेडाँडास्थित जंगल जाने बाटोमा सोही ठाउँ बस्ने ७३ वर्षीय रन बहादुर प्रजा बुधबार मृत अवस्थामा फेला परेका छन् । सबै घटनाका सम्बन्धमा प्रहरीले आवश्यक अनुसन्धान गरिरहेको छ ।