देशका विभिन्न स्थानबाट मृत अवस्थामा ६ जना फेला परेका छन् । पर्वत, पैंयु गाउँपालिका-२ अर्थुङ स्थित भर्मा खोलामा सोही ठाउँ बस्ने ३९ वर्षीय बाल कृष्ण राना सोमबार मृत अवस्थामा फेला परेका छन् ।

त्यस्तै दाङ, गढवा गाउँपालिका-७ मकनवा बस्ने २५ वर्षीय एकराज चौधरी सोही ठाउँस्थित बाटोमा सोमबार मृत अवस्थामा फेला परेका छन् । यता रुपन्देही, सिद्धार्थनगर नगरपालिका-१३ देवकोटाचोकस्थित राम थापाको होण्डाई गाडी सोरुममा गार्डको काम गर्ने सोही नगरपालिका-१ बेलहिया घर भएका ५७ वर्षीय छत्रमान राई सोमबार सोही सोरुममा मृत अवस्थामा फेला परेका छन् ।

यस्तै मुस्ताङ, घरपझोङ गाउँपालिका-२ मार्फाको जंगलको भेडी गोठमा बस्ने म्याग्दी रघुगंगा गाउँपालिका-१ बेग घर भएका ५० वर्षीय कालि बहादुर गबुर्जा मगर गोठ नजिकै सोमबार मृत अवस्थामा फेला परेका छन् । उता नुवाकोट, पन्चकन्या गाउँपालिका-२ सुवेदी डाँडा बस्ने ७० वर्षीय कुष्ण बहादुर अधिकारी आफ्नै सुत्ने कोठामा सोमबार मृत अवस्थामा फेला परेका छन् ।

यसैगरी सुर्खेत, लेकबेशी नगरपालिका-९ सिमदमार बस्ने ३१ वर्षीय इन्द्र बहादुर रावत सोही ठाउँस्थित बारीमा आइतबार मृत अवस्थामा फेला परेका छन् । त्यसैगरी सुर्खेत, चौकुने गाउँपालिका-१ पाल्पाघाटस्थित कर्णाली नदीको किनारमा हाल नाम, थर, वतन नखुलेकी अन्दाजी १९ वर्षीय महिला आइतबार मृत अवस्थामा फेला परेकी छन् । यस सम्बन्धमा प्रहरीले थप अनुसन्धान गरिरहेको छ ।