देशका विभिन्न स्थानबाट मृत अवस्थामा १२ जना फेला परेका छन् । पर्सा, वीरगंज महानगरपालिका-१६ स्थित बाईपास रोडमा सोही ठाउँ बस्ने २९ वर्षीय नजिम मियाँ बुधबार मृत अवस्थामा फेला परेका छन् ।

त्यस्तै मोरङ, ग्रामथान गाउँपालिका-७ नेता चोकस्थित इन्भेष्टमेन्ट मेगा बैंकमा गार्डको काम गर्ने सोही गाउँपालिका-५ बस्ने ४२ वर्षीय पदुम कुमार माझी सोही बैंकको सिढीमा बुधबार मृत अवस्थामा फेला परेका छन् ।यता रुपन्देही, कोटहिमाई गाउँपालिका-४ जिग्नीहवा बस्ने ४५ वर्षीय त्रिलोकी लोधले सोही ठाउँस्थित नालामा बुधबार मृत अवस्थामा फेला परेका छन् ।

यस्तै सिन्धुपाल्चोक, मेलम्ची नगरपालिका-११ समता स्कुल अगाडि ग्राउण्डमा हाल नाम, थर, वतन नखुलेका अन्दाजी ४५ वर्षीय पुरुष बुधबार मृत अवस्थामा फेला परेका छन् । उता प्युठान, झिमरुक गाउँपालिका-१ कोईराले बस्ने ५३ वर्षीय लाल बहादुर रोका मगर सोही गाउँपालिका-४ काफ्लेखोलीस्थित मच्छी चौतामारे सडक छेउमा मंगलबार मृत अवस्थामा फेला परेका छन् ।

यता बर्दिया, बढैयाल गाउँपालिका-४ खैरेनी बस्ने ३६ वर्षीय बुद्धिराम थारु सोही गाउँपालिका-२ फुटाहास्थित नालीमा मंगलबार मृत अवस्थामा फेला परेका छन् । त्यस्तै पाल्पा, रैनादेबी छहरा गाउँपालिका-५ अधेरी खोला घर भई रिब्दिकोट गाउँपालिका-७ मैनादी कटहरबारीस्थित गोठमा बस्दै आएका ५४ वर्षीय नेत्र प्रसाद पराजुली सोही गोठमा मंगलबार मृत अवस्थामा फेला परेका छन् ।

त्यसैगरी रौतहट, इशनाथ नगरपालिका-५ घर भई गुजरा नगरपालिका-५ पैनिटोल बस्ने ४० वर्षीय शेष कमाल सोही ठाउँस्थित बाटो छेउमा मंगलबार मृत अवस्थामा फेला परेका छन् । यस्तै दाङ, बङ्लाचुली गाउँपालिका-७ लापे बस्ने ४१ वर्षीय राजु अधिकारी सोही ठाउँस्थित भिरबाट करिब १ किलोमिटर तल मंगलबार मृत अवस्थामा फेला परेका छन् । सोमबारदेखि कामको सिलसिलामा घोराही बजार गएका उनी सम्पर्कमा नआएपछि खोजी गर्ने क्रममा उनको शव फेला परेको हो ।

यसैगरी भोजपुर, साल्पासिलिछो गाउँपालिका-३ स्थित जंगलमा सोही गाउँपालिका-३ भदौरे बस्ने ४१ वर्षीया हिरा कार्की मंगलबार मृत अवस्थामा फेला परेकी छिन् । बाख्रा चराउन गएकी उनी साँझसम्म घर नफर्किए पछि खोजी गर्ने क्रममा शव फेला परेको हो । उता धनुषा, हंसपुर नगरपालिका-२ बक्चौडास्थित पोखरीको डिलमा हाल नाम, थर, वतन नखुलेका करिब ६५ वर्षीय पुरूष मंगलबार मृत अवस्थामा फेला परेका छन् ।

त्यस्तै पर्सा, बीरगंज महानगरपालिका-८ स्थित प्रभु अस्पतालको गेट नजिकै हाल नाम, थर, वतन नकुलेका अन्दाजी ६२ वर्षीय पुरुष मंगलबार मृत अवस्थामा फेला परेका छन । सवै घटनाका सम्बन्धमा प्रहरीले थप अनुसन्धान गरिरहेको छ ।