जुवातास खेलिरहेको अवस्थामा १० जना पक्राउ परेका छन् । कैलाली, धनगढी उपमहानगरपालिका-४ बसपार्कस्थित होटल कलेलमा जुवातास खेलिरहेको अवस्थामा १० जनालाई मंगलबार राति प्रहरीले पक्राउ गरेको हो ।

पक्राउ पर्नेमा डोटी पुर्वीचौकी गाउँपालिका-३ बस्ने २५ वर्षीय अमित बोहरासहित १० जना रहेका छन् । विशेष सूचनाको आधारमा वडा प्रहरी कार्यालय धनगढीबाट खटिएको प्रहरीले उनीहरूलाई पक्राउ गरेको छ ।

जुवाखालबाट प्रहरीले नगद १ लाख ४ हजार ८ सय १० रूपैयाँ र २ बुक तास बरामद गरेको छ । यस सम्बन्धमा प्रहरी वृत्त महाराजगञ्जले अनुसन्धान गरिरहेको छ ।