देशका विभिन्न स्थानबाट मृत अवस्थामा ९ जना फेला परेका छन् । काठमाडौं महानगरपलिका-१६ माछापोखरीस्थित कर्णाली गेष्ट हाउसको कोठामा सिन्धुपाल्चोक घर भएका २५ वर्षय सुयोग गिरी शुक्रबार मृत अवस्थामा फेला परेका छन् ।

त्यस्तै कास्की, पोखरा महानगरपालिका-८ सृजनाचोकस्थित घरको सिढीमा माछापुच्छ्रे गाउँपालिका-२ भुर्जुङखोला बस्ने ४८ वर्षीय रुद्र बहादुर नेपाली शुक्रबार मृत अवस्थामा फेला परेका छन् । यता पाँचथर, फिदिम नगरपालिका-२ पल्लोटार डेरा गरी बस्ने ३५ वर्षीया सीता लिङदेन आफ्नै कोठामा शुक्रबार मृत अवस्थामा फेला परेकी छन् ।

यस्तै मोरङ, लेटाङ नगरपालिका-८ मा डेरा गरी बस्ने जहदा गाउँपालिका घर भएका ५५ वर्षीय राम बहादुर राई लेटाङ गाउँपालिका-८ अधेरीस्थित सडकमा शुक्रबार मृत अवस्थामा फेला परेका छन् । यसैगरी काठमाडौं, दक्षिणकाली नगरपालिका-७ भुल्का गतेरीस्थित बाग्मती खोलाको किनारमा भोजपुर चम्के बस्ने मनोज मगरको छोरा १३ वर्षीय साजन मगर बिहीबार मृत अवस्थामा फेला परेका छन् ।

गत साउन ७ गते काठमाडौं महानगरपालिका-३ रानीबारी २ नम्बर गेट नजिक रानीबारी खोलाले बगाएर बेपत्ता भएका उनको खोजी गर्ने क्रममा शव फेला परेको हो । उता बागलुङ, ढोरपाटन नगरपालिका-७ ग्याल्दुङस्थित ग्याल्दुङबाट धम्पु जाने बाटोमा सोही ठाउँ बस्ने ४६ वर्षीया कालिका कुमाल बिहीबार मृत अवस्थामा फेला परेकी छन् ।

यता मोरङ, विराटनगर महानगरपालिका-१२ झुटुवा बस्ने १५ वर्षीय मिन्जेल सहनी आफ्नै घरमा बिहीबार मृत अवस्थामा फेला परेका छन् । त्यस्तै झापा, दमक नगरपालिका-९ स्थित न्यु ब्राइट वे होटल एण्ड लजमा कमल गाउँपालिका-५ बस्ने ३९ वर्षीय प्रदिप राई बिहीबार मृत अवस्थामा फेला परेका छन् ।

यसैगरी दोलखा, मेलुङ गाउँपालिका-१ पोगटीदोबाटे बस्ने ३० वर्षीया रामदेवी श्रेष्ठ आफ्नै घरमा बिहीबार मृत अवस्थामा फेला परेकी छन् । सवै घटनाका सम्बन्धमा प्रहरीले आवश्यक अनुसन्धान गरिरहेको छ ।