देशका विभिन्न स्थानबाट मृत अवस्थामा ६ जना फेला परेका छन् । काठमाडौं महानगरपालिका-८ गौरीघाटमा हाल नाम, थर, वतन नखुलेका अन्दाजी ७० वर्षीय पुरूष शुक्रबार र सोही महानगरपालिका-३० सानो गौचरणस्थित प्याराफिटमा हाल नाम, थर, वतन, नखुलेकी अन्दाजी ४५ वर्षीया महिला शनिबार मृत अवस्थामा फेला परेका छन् ।

त्यस्तै कास्की, पोखरा महानगरपालिका-२६ स्थित बिजयपुर खोलाको पुलमुनी सोही ठाउँ बस्ने ८६ वर्षीय धनवीर सार्की र सोही महानगरपालिका-१८ वाटरफन्टस्थित फेवाताल किनारमा सिन्धुली कमलामाई नगरपालिका-७ बस्ने २४ वर्षीय सुजन थापा मगर शुक्रबार मृत अवस्थामा फेला परेका छन् । यता सल्यान, शारदा नगरपालिका-१३ चलाउनेपानी बस्ने ६९ वर्षीय मोतिलाल बुढाथोकी छत्रेश्वरी गाउँपालिका-५ सिर्वालीस्थित तिर्थपाले सामुदायिक बनको गोरेटो बाटोमा शुक्रबार मृत अवस्थामा फेला परेका छन् ।

यस्तै सिन्धुली, कमलामाई नगरपालिका-४ पोखरेल गाउँ बस्ने ५५ वर्षीय फौद बहादुर सार्की सोही नगरपालिका-४ देउराली धारास्थित खेतमा शुक्रबार मृत अवस्थामा फेला परेका छन् । उता हुम्ला, नाम्खा गाउँपालिका-३ खगाल गाउँ बस्ने ५१ वर्षीय ग्यालजुङ लामा सोही ठाउँस्थित ताङघुङसो जंगलमा शुक्रबार मृत अवस्थामा फेला परेका छन् । बुधबार दाउरा काट्न गएका उनी फर्की नआएपछि खोजी गर्नेक्रममा शव फेला परेको हो ।

यता गोरखा, गण्डकी गाउँपालिका-८ बर्खेघाटस्थित त्रिशुली नदीको किनारमा हाल नाम, थर, वतन नखुलेका अन्दाजी ६० वर्षीय पुरूष शनिबार मृत अवस्थामा फेला परेका छन् । सबै घटनाका सम्बन्धमा प्रहरीले आवश्यक अनुसन्धान गरिरहेको छ ।