देशका विभिन्न स्थानबाट मृत अवस्थामा ४ जना फेला परेका छन् । गोरखा, पालुङटार नगरपालिका-८ मुलावारी बस्ने ४५ वर्षीया मिना परीयार सोही ठाउँस्थित मकै बारीमा बिहीबार मृत अवस्थामा फेला परेकी छन् ।

त्यस्तै सप्तरी, विष्णुपुर गाउँपालिका-५ कट्टी टोल बस्ने ७० वर्षीय दुखी खंग राजबिराज नगरपालिका-१६ स्थित सार्वजनिक पोखरीमा बिहीबार मृत अवस्थामा फेला परेका छन् । यता मुगु, छाँयानाथ रारा नगरपालिका-१४ बाम बस्ने ५५ वर्षीय मन बहादुर बडुवाल सोही ठाउँस्थित बयभिर भन्ने जङ्गलमा बिहीबार मृत अवस्थामा फेला परेका छन् ।

मंगलबार च्याउ खोज्न जान्छु भनि गएका उनी घर फर्कि नआएकोले खोजी गर्ने क्रममा उनको शव फेला परेको हो । यस्तै गुल्मी, मदाने गाउँपालिका-३ सिर्सेनि दमिल्लास्थित छल्दी खोलाको किनारमा हाल नाम, थर, वतन नखुलेका अन्दाजी ३५ वर्षीय पुरुष बिहीबार मृत अवस्थामा फेला परेका छन् । सबै घटनाका सम्बन्धमा प्रहरीले थप अनुसन्धान गरिरहेको छ ।