देशका विभिन्न स्थानबाट मृत अवस्थामा १० जना फेला परेका छन् । स्याङ्जा, आँधीखोला गाउँपालिका-३ फुलवारीस्थित चरादीखोलाको बीचमा सोही गाउँपालिका-३ बैडा बस्ने ७० वर्षीय रुद्र बहादुर क्षेत्री सोमबार मृत अवस्थामा फेला परेका छन् ।

त्यस्तै काभ्रे, बनेपा नगरपालिका-८ प्राधिकरण चोक नजिकै तला पोखरीमा रोशी गाउँपालिका-५ सिसाखानी बस्ने ३४ वर्षीय धर्म सिंह तामाङ सोमबार मृत अवस्थामा फेला परेका छन् । यता रौतहट, गौर नगरपालिका-८ स्थित कोशी खोलामा सोही ठाउँ बस्ने ४२ वर्षीय सुशील राउत कुर्मी सोमबार मृत अवस्थामा फेला परेका छन् ।

यस्तै बर्दिया, बासगढी नगरपालिका-८ बनगौरी बस्ने ६० वर्षीय तुल बहादुर परियार सोही ठाउँस्थित खेतमा सोमबार मृत अवस्थामा फेला परेका छन् । उता ताप्लेजुङ, मैवाखोला गाउँपालिका-३ र ४ को सिमानास्थित ताम्राङ खोलामा हाल नाम, थर वतन नखुलेका अन्दाजी १६ वर्षीय किशोर सोमबार मृत अवस्थामा फेला परेका छन् ।

यता कैलाली, जानकी गाउँपालिका-२ कटघर पथरैया नदीको बाणी नहरमा लम्की चुहा नगरपालिका-१० बस्ने ६० वर्षीय भुकारी डगौरा थारू आइतबार मृत अवस्थामा फेला परेका छन् । यसैगरी ललितपुर, ललितपुर महानगरपालिका-१६ गाबाहाल डेरा गरी बस्ने सिरहा नगरपालिका-१३ घर भएकी ३५ वर्षीया संगिता देवी यादव आफ्नै डेरा कोठामा आइतबार मृत अवस्थामा फेला परेकी छन् ।

त्यसैगरी बर्दिया, बासगढी नगरपालिका-८ बनगौरी बस्ने ६० वर्षीय तुल बहादुर परियार सोही ठाउँस्थित खेतमा सोमबार र बढैयाताल गाउँपालिका-६ उच्चागाउँस्थित सार्वजनिक पोखरीमा हाल नाम, थर, वतन नखुलेका अन्दाजी ४२ वर्षीय पुरुष आइतबार मृत अवस्थामा फेला परेका छन् । यस्तै कास्की, पोखरा महानगरपालिका-१९ तल्लो गोष्तेघाटस्थित सेती नदीमा हाल नाम, थर, वतन नखुलेकी अन्दाजी ६ वर्षीया बालिका आइतबार मृत अवस्थामा फेला परेकी छन् ।

उता तनहुँ, ब्यास नगरपालिका-७ मादीस्थित कलेस्ती नदीको दोभानमा हाल नाम, थर, वतन नखुलेका अन्दाजी ४५ वर्षीय पुरूष आइतबार मृत अवस्थामा फेला परेका छन् । सबै घटनाका सम्बन्धमा प्रहरीले आवश्यक अनुसन्धान गरिरहेको छ ।