देशका विभिन्न स्थानबाट मृत अवस्थामा ५ जना फेला परेका छन् । कञ्चनपुर, पुनर्वास नगरपालिका-३ स्थित सडक छेउमा सोही ठाउँ बस्ने ३० वर्षीया लक्ष्मी घर्ती मंगलबार मृत अवस्थामा फेला परेकी छिन् ।

त्यस्तै रूकुम (पूर्व), सिस्ने गाउँपालिका-१ भट्टेचौर घर भई हाल सोही गाउँपालिका-६ आला डेरा गरी बस्ने जोख बहादुर बुढाको छोरा १५ वर्षीय संदिप बुढा आफ्नै कोठामा मंगलबार मृत अवस्थामा फेला परेका छन् । यता सर्लाही, इश्वरपुर नगरपालिका-५ फुलजोर चोकस्थित धर्मशालामा हाल नाम, थर, वतन नखुलेका अन्दाजी ६७ वर्षीय पुरूष मंगलबार मृत अवस्थामा फेला परेका छन् ।

यस्तै रोल्पा, माडी गाउँपालिका-६ डोङखोलास्थित माडी खोलामा सोही गाउँपालिका-१ भित्तावाङ बस्ने ४७ वर्षीय कलम सिंह घर्ति मगर सोमबार मृत अवस्थामा फेला परेका छन् । उता बारा, कलैया उपमहानगरपालिका-४ जानकी हल अगाडि हाल नाम, थर, वतन नखुलेको अन्दाजी ३० वर्षीय पुरूष मंगलबार मृत अवस्थामा फेला परेका छन् । घटनाका सम्बन्धमा प्रहरीले थप अनुसन्धान गरिरहेको छ ।