देशका विभिन्न स्थानबाट मृत अवस्थामा ५ जना फेला परेका छन् । धनकुटा, छथरजोरपाटी गाउँपालिका-२ सल्ले बस्ने २४ वर्षीया लक्ष्मी तोलाङ्गी आफ्नै घरमा शुक्रबार मृत अवस्थामा फेला परेकी छिन् ।
त्यस्तै प्युठान, प्युठान नगरपालिका-८ उपल्लो दम्ती बस्ने ४२ वर्षीया केशरी कुमाल आफ्नै घर नजिक गोरेटो बाटोमा शुक्रबार मृत अवस्थामा फेला परेकी छिन् । यता रूपन्देही, बुटवल उपमहानगरपालिका-१० स्थित जंगलमा हाल नाम, थर, वतन नखुलेका अन्दाजी ४३ वर्षीय पुरूष शुक्रबार मृत अवस्थामा फेला परेका छन् ।
यसैगरी रूकुम (पश्चिम), मुसिकोट नगरपालिका-११ भलक्चा बस्ने ५९ वर्षीय पिताराम नेपाली सोही ठाउँस्थित सिस्नेखोली जंगलमा बिहीबार मृत अवस्थामा फेला परेका छन् । गत साउन १७ गते घरबाट हिँडेका उनको खोजी गर्ने क्रममा शव फेला परेको हो ।
यता झापा, भद्रपुर नगरपालिका-७ सरस्वती चोक बस्ने ४० वर्षीय सनम कुमार लुइँटेल आफ्नै घरमा बिहीबार मृत अवस्थामा फेला परेका छन् । घटनाका सम्बन्धमा प्रहरीले थप अनुसन्धान गरिरहेको छ ।
