देशका विभिन्न स्थानबाट मृत अवस्थामा ४ जना फेला परेका छन् । काठमाडौं महानगरपालिका-८ गौरीघाटस्थित सडक पेटीमा सोही महानगरपालिका-७ चाबहिल डेरा गरी बस्ने धादिङ धुनिबेशी नगरपालिका-७ घर भएका १९ वर्षीय जेशन तामाङ आइतबार मृत अवस्थामा फेला परेका छन् ।

त्यस्तै उदयपुर, उदयपुरगढी गाउँपालिका-७ चम्पेडाँडा बस्ने ६८ वर्षीय ओमानसिंह भुजेल आफ्नै घरमा शनिबार मृत अवस्थामा फेला परेका छन् । यता सुखेत, वीरेन्द्रनगर नगरपालिका-१ पुरीटोल डेरा गरी बस्ने दैलेख दुल्लु नगरपालिका-१ घर भएका ४२ वर्षीय लाल बहादुर भण्डारी सोही नगरपालिका-२ ढोडेखालीस्थित पुलमुनी शनिबार मृत अवस्थामा फेला परेका छन् ।

यस्तै ललितपुर, ललितपुर महानगरपालिका-५ महालक्ष्मी मन्दिर अगाडि सडक पेटीमा हाल नाम, थर, वतन नखुलेका अन्दाजी ५५ वर्षीय पुरुष शनिबार मृत अवस्थामा फेला परेका छन् । सवै घटनाका सम्बन्धमा प्रहरीले आवश्यक अनुसन्धान गरिरहेको छ ।