देशका विभिन्न स्थानबाट मृत अवस्थामा ४ जना फेला परेका छन् । मोरङ, विराटनगर महानगरपालिका-१६ दक्षिण गेटस्थित शिव मन्दिर छेउमा रहेको चौरीमा सोही महानगरपालिका-९ बस्ने ५० वर्षीय गोपाल शाह आइतबार मृत अवस्थामा फेला परेका छन् ।

त्यस्तै नुवाकोट, बेलकोटगढी नगरपालिका-१० मैदानटोल बस्ने ६५ वर्षीय कोप चन्द्र सुनार आफ्नै घर नजिक आइतबार मृत अवस्थामा फेला परेका छन् । यसैगरी नुवाकोट, ककनी गाउँपालिका-१ ठुलोखोलास्थित निमार्ण हुँदै गरेको कोलस्टोर भवनमा लेबर काम गर्दै सोही भवनमा बस्दै आएका पाँचथर पौवा गाउँपालिका-५ बस्ने ४६ वर्षीया मन कुमारी सारू मगर आइतबार मृत अवस्थामा फेला परेकी छिन् ।

यस्तै उदयपुर, उदयपुरगढी गाउँपालिका-७ चम्पेडाँडा बस्ने ६८ वर्षीय ओमानसिंह भुजेल आफ्नै घरमा शनिबार मृत अवस्थामा फेला परेका छन् । सबै घटनाका सम्बन्धमा प्रहरीले आवश्यक अनुसन्धान गरिरहेको छ ।