देशका विभिन्न स्थानबाट मृत अवस्थामा ८ जना फेला परेका छन् । काठमाडौं, गोकर्णेश्वर नगरपालिका-२ सुन्दरीजल नयाँपाटी डेरा गरी बस्ने ओखलढुङगा मोलुङ गाउँपालिका-७ घर भएका ४८ वर्षीय गेल्बु शेर्पा आफ्नै कोठामा शुक्रबार मृत अवस्थामा फेला परेका छन् ।

त्यस्तै बाँके, नेपालगंज उपमहानगरपालिका-६ पिपल चौतारा डेरा गरी बस्ने वीरेन्द्रनगर नगरपालिका-११ बस्ने ६० वर्षीया विष्णु कुमारी विक आफ्नै कोठामा शुक्रबार मृत अवस्थामा फेला परेकी छिन् । यता दाङ, तुलसीपुर उपमहानगरपालिका-४ डाँडा टोल बस्ने ५४ वर्षीया पुनिकला थापा मगर सोही ठाउँस्थित ढुङ्गा खसे भन्ने स्थानमा शुक्रबार मृत अवस्थामा फेला परेकी छिन् ।

गत भदौ ३ गते घरबाट माइतीघर सल्यान कपुरकोट गाउँपालिका-२ सिमलकुना जान्छु भनी हिँडेकी उनी सम्पर्क बिहीन भएपछि खोजी गर्ने क्रममा शव फेला परेको हो । यस्तै काभ्रे, पनौती नगरपालिका-५ लप्सिबोट बस्ने ३८ वर्षीय रूपक कार्की सोही ठाउँस्थित खेतमा शुक्रबार मृत अवस्थामा फेला परेका छन् । गत भदौ ७ गते घरबाट बेपत्ता भएका उनको खोजी गर्ने क्रममा शव फेला परेको हो ।

उता बागलुङ, काठेखोला गाउँपालिका-८ लेखानी बस्ने ५७ वर्षीया पार्वती दमै सोही ठाउँस्थित खाली घरको पिँढीमा शनिबार मृत अवस्थामा फेला परेकी छिन् । यसैगरी रूपन्देही, सैनामैना नगरपालिका-१० भच्कई बस्ने ४१ वर्षीय धन बहादुर पुन साहनी मगर आफ्नै घरमा शनिबार मृत अवस्थामा फेला परेका छन् ।

त्यसैगरी सिन्धुली, हरिहरपुरगढी गाउँपालिका-६ रागेचुरी बस्ने २८ वर्षीय राज कुमार गोले सोही ठाउँस्थित क्यान खोला र खड्कुले खोलाको दोभानमा शनिबार मृत अवस्थामा फेला परेका छन् । त्यस्तै रौतहट, गढिमाई नगरपालिका-१ स्थित बागमती खोलाको बगरमा हाल नाम, थर, वतन नखुलेकी अन्दाजी ५५ वर्षीया महिला शुक्रबार मृत अवस्थामा फेला परेकी छिन् । सबै घटनाका सम्बन्धमा प्रहरीले आवश्यक अनुसन्धान गरिरहेको छ ।