देशका विभिन्न स्थानबाट मृत अवस्थामा ९ जना फेला परेका छन् । काभ्रे, बेथानचोक गाउँपालिका-२ ढोलाखोलास्थित सडक छेउको नालीमा दोलखा मेलुङ गाउँपालिका-१ बस्ने ३५ वर्षीय निर्मल बुढाथोकी मंगलबार मृत अवस्थामा फेला परेका छन् ।

त्यस्तै काठमाडौं, महानगरपालिका-८ पशुपतिस्थित मानव सेवा आश्रममा हाल नाम, थर, वतन नखुलेका अन्दाजी ५५ वर्षीय पुरुष मंगलबार मृत अवस्थामा फेला परेका छन् । यता कास्की, पोखरा महानगरपालिका-२५ हेम्जा बाबिया तारा मानव सेवा आश्रममा बस्दै आएको पर्वत घर भएका ५८ वर्षीय शिव आचार्य आफु सुत्ने कोठामा मंगलबार मृत अवस्थामा फेला परेका छन् ।

यस्तै संखुवासभा, मकालु गाउँपालिका-१ माङसेवा बस्ने ४० वर्षीय प्रेम किशोर राई सोही गाउँपालिका-१ स्थित बाक्साला खोलामा बुधबार मृत अवस्थामा फेला परेका छन् । उता मोरङ, उर्लाबारी नगरपालिका-९ चक्रेटोल बस्ने ६० वर्षीय कमान सिंह लिम्बु सोही ठाउँस्थित धानखेतमा सोमबार मृत अवस्थामा फेला परेका छन् ।

त्यसैगरी बारा, कोल्हबी नगरपालिका-१ डेरा गरी बस्ने सिम्रौनगढ नगरपालिका-४ घर भएका ३० वर्षीय देव मुखिया बिन डेरा घर बाहिर मंगलबार मृत अवस्थामा फेला परेका छन् । यसैगरी झापा, भद्रपुर नगरपालिका-९ घोडामारा बस्ने सोमनाथ सिग्देलकी छोरी २ वर्षीया निर्जला सिग्देल सोही ठाउँस्थित नालीमा सोमबार मृत अवस्थामा फेला परेकी छिन् । सोही ठाउँस्थित केदारेश्वर शिव पञ्चायन मन्दिर अगाडि खेलिरहेकी उनी हराएको भन्ने खबर प्राप्त हुनासाथ प्रहरी चौकी घोडामारा खटिएको प्रहरीले स्थानियबासिन्दाको सहयोगमा खोजी गर्ने क्रममा शव फेला परेको हो ।

यता गोरखा, गोरखा नगरपालिका-११ बाह्रकिलो चोकस्थित पशु संकलन केन्द्रभित्र पालुङटार नगरपालिका खोरलाङ बस्ने ३५ वर्षीय अर्जुन नेपाली सोमबार मृत अवस्थामा फेला परेका छन् । यस्तै धादिङ, निलकण्ठ नगरपालिका २ र १४ स्थित पलाखु खोलामा हाल नाम, थर, वतन नखुलेका पुरूष सोमबार मृत अवस्थामा फेला परेका छन् । सवै घटनाका सम्बन्धमा प्रहरीले थप अनुसन्धान गरिरहेको छ ।