देशका विभिन्न स्थानबाट मृत अवस्थामा ५ जना फेला परेका छन् । काठमाडौं महानगरपालिका-१० बुद्धनगर बस्ने ८१ वर्षीया लक्ष्मी साह आफ्नै टहरामा बुधबार मृत अवस्थामा फेला परेकी छिन् ।

यसैगरी काठमाडौं महानगरपालिका-२४ सानो पशुपती मन्दिर नजिक बस्ने २३ वर्षीय प्रवल श्रेष्ठ आफ्नै घरमा बिहीबार मृत अवस्थामा फेला परेका छन् । त्यस्तै सिरहा, कर्जन्हा नगरपलिका-२ स्थित कमला नदीमा मिर्चैया नगरपालिका-४ बस्ने १८ वर्षीय राजेश कामती बिहीबार मृत अवस्थामा फेला परेका छन् ।

यस्तै प्युठान, प्युठान नगरपालिका-३ जुम्रीस्थित सापडाँडा जाने बाटोमा मल्लरानी गाउँपालिका-३ बुकेनी बस्ने ५० वर्षीय लिला बहादुर पुन बिहीबार मृत अवस्थामा फेला परेका छन् । यता धनुषा, कमला नगरपालिका-६ नुनथुला टोलस्थित कमला खोलामा हाल नाम, थर, वतन नखुलेका अन्दाजी ४० वर्षीय पुरूष बुधबार मृत अवस्थामा फेला परेका छन् ।

त्यसैगरी सिन्धुली, गोलन्जोर गाउँपालिका-७ खुर्कोटस्थित सुनकोशी नदीको किनारामा हाल नाम, थर, वतन नखुलेका अन्दाजी ३५ वर्षीय पुरूष बिहीबार मृत अवस्थामा फेला परेका छन् । सबै घटनाका सम्बन्धमा प्रहरीले थप अनुसन्धान गरिरहेको छ ।