देशका विभिन्न स्थानबाट मृत अवस्थामा ५ जना फेला परेका छन् । सिरहा, लहान नगरपालिका-२३ करैयाटोल बस्ने ६० वर्षीया फुलेश्वरी देवी यादव सोही ठाउँस्थित नर्सरी महादेव वन समुदायको अगाडि शुक्रबार मृत अवस्थाम फेला परेकी छिन् । भदौ १४ गते भैंसी चराउन गएकी उनी घर नफर्किए पछि खोजी गर्ने क्रममा शव फेला परेको हो ।

त्यस्तै काभ्रे, रोशी गाउँपालिका-११ स्थित रोशी खोलामा सोही गाउँपालिका-९ बस्ने सुर्खेत वीरेन्द्रनगर नगरपलिका-५ घर भएका ६२ वर्षीय जित बहादुर गुरूङ शनिबार मृत अवस्थामा फेला परेका छन् । यता रूपन्देही, देवदह नगरपालिका-१२ प्रगतिनगर बस्ने ४३ वर्षीय सोम प्रसाद ज्ञवाली आफ्नै घर पछाडी रहेको टहरामा र सैनामैना नगरपालिका-३ गंगानगर बस्ने ५२ वर्षीय कमल थापा सोही नगरपालिका-५ घमाहा खोलामा शनिबार मृत अवस्थामा फेला परेका छन् ।

यस्तै दोलखा, भिमेश्वर नगरपालिका-८ बोच बस्ने ३८ वर्षीय ज्ञान बहादुर तामाङ आफ्नै घरमा शनिबार मृत अवस्थामा फेला परेका छन् । उता चितवन, भरतपुर महानगरपालिका-२६ सिसवारस्थित नारायणी नदीमा हाल नाम, थर, वतन नखुलेका अन्दाजी ५५ वर्षीय पुरूष शुक्रबार मृत अवस्थामा फेला परेका छन् । सबै घटनाका सम्बन्धमा प्रहरीले आवश्यक अनुसन्धान गरिरहेको छ ।