देशका विभिन्न स्थानबाट मृत अवस्थामा ३ जना फेला परेका छन् । तेह्रथुम, फेदापा गाउँपालिका-२ पधेरी खोलाको दोभानमा हाल नाम, थर, वतन नखुलेका अन्दाजी ५० वर्षीय पुरुष आइतबार मृत अवस्थामा फेला परेका छन् ।

त्यस्तै बर्दिया, बढैयाताल गाउँपालिका-७ राजापुर बस्ने ६० वर्षीय गर्बु थारु सोही गाउँपालिका-७ दैलेखीटोलस्थित कल्भर्टमा शनिबार मृत अवस्थामा फेला परेका छन् । माछा मार्न गएका उनी फर्कि नआएपछि खोजी गर्ने क्रममा उनको शव फेला परेको हो ।

यस्तै धनुषा, जनकपुर उपमहानगरपालिका-७ माछा बजारमा हाल नाम, थर, वतन नखुलेका अन्दाजी ५५ वर्षीय पुरुष शनिबार मृत अवस्थामा फेला परेका छन् । घटनाका सम्बन्धमा प्रहरीले आवश्यक अनुसन्धान गरिरहेको छ ।