देशका विभिन्न स्थानबाट मृत अवस्थामा ५ जना फेला परेका छन् । कैलाली, जानकी गाउँपालिका-६ जगतपुर बड्कापुरुवास्थित रानी जमराको सहायक नहरको किनारमा सोही गाउँपालिका-९ बस्ने ५५ वर्षीय रंग कडारा बिहीबार मृत अवस्थामा फेला परेका छन् ।

त्यस्तै तनहुँ, ब्यास नगरपालिका-१४ रानी भवनस्थित सेती नदीको किनारमा हाल नाम, थर, वतन, उमेर नखुलेकी महिला बिहीबार मृत अवस्थामा फेला परेकी छन् । यता कैलाली, धनगढी उपहमानगरपालिका-१२ डि गाँउस्थित खेतमा सोही ठाउँ बस्ने ४० वर्षीय महादेव भट्ट बुधबार मृत अवस्थामा फेला परेका छन् ।

यस्तै धनकुटा, चौबिसे गाउँपालिका-८ खोलीटार बस्ने २७ वर्षीया मिना लावती आफ्नै घरको कोठामा बुधबार मृत अवस्थामा फेला परेकी छन् । उता पर्वत, जलजला गाउँपालिका-८ लस्तीस्थित कालीगण्डकी नदीको किनारमा हाल नाम, थर, वतन नखुलेका अन्दाजी २८ वर्षीय पुरुष बुधबार मृत अवस्थामा फेला परेका छन् । सवै घटनाका सम्बन्धमा प्रहरीले आवश्यक अनुसन्धान गरिरहेको छ ।