देशका विभिन्न स्थानबाट मृत अवस्थामा ४ जना फेला परेका छन्  । चितवन, भरतपुर महानगरपालिका-१४ प्रगति टोलस्थित खगेरी नहरमा सोही महानगरपालिका-१४ कुम्भे चोक बस्ने ८० वर्षीय आइतराम बिक बिहीबार मृत अवस्थामा फेला परेका छन् ।

त्यस्तै काभ्रे, नमोबुद्ध नगरपालिका-१० सिम्लेभज्याङस्थित लेक बहादुर नेपालीको खाली घरको दोस्रो तलामा हाल नाम, थर, वतन, नखुलेका अन्दाजी ५५ वर्षीय पुरूष बुधबार मृत अवस्थामा फेला परेका छन् । यता रूपन्देही, बुटवल उपमहानगरपालिका-१८ सौराहास्थित सामुदायिक वनको खोलाको किनारमा हाल नाम, थर, वतन नखुलेकी अन्दाजी ४० वर्षीया महिला बुधबार मृत अवस्थामा फेला परेकी छिन् ।

यस्तै सुनसरी, बराहक्षेत्र नगरपालिका-१ बराहक्षेत्रस्थित कोका खोलामा हाल नाम, थर, वतन नखुलेका अन्दाजी ५५ वर्षीय पुरूष बिहीबार मृत अवस्थामा फेला परेका छन् । सबै घटनाका सम्बन्धमा प्रहरीले आवश्यक अनुसन्धान गरिरहेको छ ।