देशका विभिन्न स्थानबाट मृत अवस्थामा ४ जना फेला परेका छन् । महोत्तरी, लोहारपट्टी नगरपालिका-९ लेउरीस्थित खेतमा हाल नाम, थर, वतन नखुलेका करिब ३० वर्षीय पुरुष सोमबार मृत अवस्थामा फेला परेका छन् ।

त्यस्तै रूपन्देही, सिद्धार्थनगर नगरपालिका-७ डेरा गरी बस्ने पाल्पा बगनाशकाली गाउँपालिका-७ खानीगाँउ बस्ने ३८ वर्षीय लिला बहादुर परियार आफ्नै कोठामा आइतबार मृत अवस्थामा फेला परेका छन् । यता सप्तरी, सुरूङगा नगरपालिका-१ मगर टोलस्थित बाटोमा सोही नगरपालिका-१ मुसहरी टोल बस्ने ४५ वर्षीय दुल्ला सदा आइतबार मृत अवस्थामा फेला परेका छन् ।

यस्तै सिन्धुपाल्चोक, भोटेकोशी गाउँपालिका-३ एङ्गेर्सा खोलामा सोही गाउँपालिका-१ बोक्चेन बस्ने काभ्रेपलाञ्चोक भुम्लु गाउँपालिका-२ बस्ने ३५ वर्षीय पुष्प पहरी आइतबार मृत अवस्थामा फेला परेका छन् । सबै घटनाका सम्बन्धमा प्रहरीले आवश्यक अनुसन्धान गरिरहेको छ ।