देशका विभिन्न स्थानबाट मृत अवस्थामा ९ जना फेला परेका छन् । जुम्ला, चन्दनाथ नगरपालिका-४ खालगाडा खोलामा सोही ठाउँस्थित सिंगाचौर बस्ने ३० वर्षीय धनमल सार्की मंगलबार मृत अवस्थामा फेला परेका छन् ।

त्यस्तै सप्तरी, सुरूङगा नगरपालिका-४ कदमाहा टोलस्थित माछा पोखरी हाल नाम, थर, वतन, नखुलेका करिब ४५ वर्षीय पुरूष मंगलबार मृत अवस्थामा फेला परेका छन् । यता पर्सा, वीरगंज महानगरपालिका-२ स्थित सडकको छेउमा हाल नाम, थर, वतन नखुलेका अन्दाजी ३५ वर्षीय पुरुष मंगलबार मृत अवस्थामा फेला परेका छन् ।

यस्तै सुनसरी, बराहक्षेत्र नगरपालिका-९ कौवाटोलीस्थित कोशी नदीमा हाल नाम, थर, वतन नखुलेकी अन्दाजी ५५ वर्षीया महिला सोमबार मृत अवस्थामा फेला परेकी छिन् । यसैगरी काठमाडौं महानगरपालिका-१६ कालधारास्थित सडक पेटीमा हाल नाम, थर, वतन नखुलेका अन्दाजी ३२ वर्षीय पुरूष सोमबार मृत अवस्थामा फेला परेका छन् ।

त्यसैगरी रामेछाप, खाँडादेवी गाउँपालिका-१ खैरेनी पुलस्थित सुनकोशी नदीको किनारमा हाल नाम, थर, वतन नखुलेका अन्दाजी ५२ वर्षीय पुरूष सोमबार मृत अवस्थामा फेला परेका छन् । उता रूपन्देही, सैनामैना नगरपालिका-७ हरियाली टोलस्थित बाटो छेउमा सोही ठाउँ बस्ने ५० वर्षीय पल्टु थारू सोमबार मृत अवस्थामा फेला परेका छन् । साथै सोही नगरपालिका-७ शिखर पथस्थित बाटो छेउमा सोही ठाउँ बस्ने ४२ वर्षीय नाथु थारु सोमबार मृत अवस्थामा फेला परेका छन् ।

यता चितवन, भरतपुर महानगरपालिका-१ पोखरा बसपार्कको चौतारामा सोही महानगरपालिका-११ भोजाड बस्ने ६५ वर्षीय यम बहादुर सिलवाल सोमबार मृत अवस्थामा फेला परेका छन् । सबै घटनाका सम्बन्धमा प्रहरीले आवश्यक अनुसन्धान गरिरहेको छ ।