देशका विभिन्न स्थानबाट मृत अवस्थामा ४ जना फेला परेका छन् । कपिलवस्तु, शिवराज नगरपालिका-९ चमरभुजियास्थित सुरई खोला छेउको चौरमा विजयनगर गाउँपालिका-१ जौवावैरात बस्ने ७५ वर्षीय पुर्वि थारु आइतबार मृत अवस्थामा फेला परेका छन् ।

त्यस्तै रौतहट, माधव नारायण नगरपालिका-८ पिपरा रजवास्थित बागमती खोलामा हाल नाम, थर, वतन नखुलेका करिब ९ वर्षीय बालक आइतबार मृत अवस्थामा फेला परेका छन् । यता सुर्खेत, गुर्भाकोट नगरपालिका-१४ बस्ने ४५ वर्षीय गज बहादुर राना सोही नगरपालिका-१२ र १३ को सिमानामा पर्ने वेतनी खोलाको किनारमा आइतबार मृत अवस्थामा फेला परेका छन ।

यस्तै धनुषा,  गणेशमान चारनाथ नगरपालिका-११ डुमरीया टोल बस्ने ४३ वर्षीय श्रीलाल मुखीया सोही नगरपालिका-९ स्थित आँपको बगौचामा शनिबार मृत अवस्थामा फेला परेका छन् । यस सम्बन्धमा प्रहरीले आवश्यक अनुसन्धान गरिरहेको छ ।