नवकान्तिपुर संवाददाता
काठमाडौं, ८ असोज ।
सल्यानमा जिप दुर्घटना हुँदा दुई जनाको मृत्यु भएको छ भने एक जना घाइते भएका छन् । आज (सोमबार) बिहान रोल्पाबाट दाङको तुलसीपुर आउँदै गरेको रा १ च १०२५ नम्बरको तरकारी बोकेको ‘सिंगल क्याप’ जिप कपुरकोट गाउँपालिका ३ चोरखोला नजिक सेतापैरामा दुर्घटना हुँदा दुई जनाको घटना स्थलमै मृत्यु भएको हो ।
दुर्घटनामा परी मृत्यु हुनेको पहिचान हुन नसकेको जिल्ला प्रहरी कार्यालय सल्यानका प्रहरी निरीक्षक गोपाल श्रेष्ठले जानकारी दिए ।
जिप सडकबाट साढे तीन सय मिटर तल खसेको थियो । त्यस्तै दुर्घटनामा परी एक जना घाइते भएको र उनको राप्ती प्रादेशिक अस्पताल तुलसीपुरमा उपचार भइरहेको छ ।
