देशका विभिन्न स्थानबाट मृत अवस्थामा ४ जना फेला परेका छन् । काठमाडौं महानगरपालिका-९ पिङलास्थानस्थित पशुपति प्लाजा होटलको कोठामा भारत आन्द्र प्रदेश घर भएका ६३ वर्षीय तेलारी मुन कृष्टेना नाईडो बुधबार मृत अवस्थामा फेला परेका छन् ।

त्यस्तै सर्लाही, विष्णु गाउँपालिका-३ स्थित बाटोमा भारत सितामढी डुमरी-१२ बस्ने २५ वर्षीय लडू कुमार महतो बुधबार मृत अवस्थामा फेला परेका छन् । यस्तै चितवन, भरतपुर महानगरपालिका-१५ सनिश्चरे टोलस्थित खेतमा हाल नाम, थर, वतन नखुलेका करिब ५५ वर्षीय पुरूष बुधबार मृत अवस्थामा फेला परेका छन् ।

यसैगरी चितवन, रत्ननगर नगरपालिका-३ कयरखोलामा रत्ननगर नगरपालिका-३ बस्ने ७४ वर्षीया सरला देवी आचार्य बुधबार मृत अवस्थामा फेला परेकी छन् । यस सम्बन्धमा प्रहरीले आवश्यक अनुसन्धान गरिरहेको छ ।